Tokinao

Valin-tagy tsy manalagy [efa misy anarana miisa 86]

tokinao — Mon, 13 Apr 2009 14:00:26 +0200

[->14aprily2009: miisa 86 ny anaran-toerana efa tafiditra ao @ lalao "FANTARO NY TANINAO"]
Tsy ilay tagy akory no manalagy fa ilay valiny izay harosoko anareo . Ho valin'ny tagy nafindran'i simplex tamiko tatsy dia hilaza zavatra roa mahafinaritra ahy aho (aza manantena tsy misy aloha i simp fa tsy misy resaka sipa misy foza aho hihihi)

Rediredy II : fandroahan'omby mahomby

tokinao — Tue, 03 Mar 2009 23:05:30 +0100

Eny, misy fomba mahomby mety ho ilain'ny mpiandry omby ity arosoko anareo ity; koa dia mazotoa mamaky daholo e! Tsoriko eto am-boalohany aloha fa betsaka ny tsaho miely ankehitriny, ary mba tsaho foroniko koa ity manaraka ity hihihi. Ady ankehitriny izany milaza vaovao izany, koa iangaviako ianao izay marary fo tsy hamaky izay soratako manaraka eto.

Hiditra amin'ny votoatiny isika. Ny tanjoko amin'iretsy teny fampidirana etsy ambony iretsy moa dia ny hamakianao ny redirediko hihihi. Mahomby kosa a?!! hehehe

Izao àry: nandritra ilay fotoana nifanarahana fa hitsaharan'ny tolona (na "niatòn'ny tolona" raha izay no tianao kokoa), dia niely ny filazàna fa nisy olo-malaza telo izay tapa-kevitra fa hiara-hiala sasatra kely, ka mba nankany atsimon'i Madagasikara. Tsy iza moa izany fa i "valo", i "roa", ary i "iray" (iray monja) :

Dia roso àry ny dia. Ireny fiara 4x4 ireny moa no notaingenana.

Rehefa tonga tao Isalo (any akaikin-dry Kitjo hihihi. namana mpiblaogy izay efa tranainy) ry 'zareo dia nisy omby marobe nibahana ny arabe. Niandry ka niandry ry zareo, fa dia tena nibodo arabe ny anao biby.

Farany dia velom-pitenenana i "valo" :

- "Ry roa a! Ndehana leiroa mba roahy ireo fa toa ho tapitra eto ampiandrasana eto ny fialan-tsasatra a!"

Dia nidina ny fiara i Roa ary nanao izay ho afany tao mba androahina ilay omby marobe.

Indrisy anefa fa dia nitokona hatrany ireo omby. Nobahanany hatrany ny làlana. Ary dia niverina tao amin'ny 4x4 i Roa.

- "Fa dia ahoana loatra no nataon'ialahy no tsy nahavoaroaka an'ireo biby ireo ialahy e?!" hoy i Valo.

- "very hevitra aho" hoy Roa. Hoy ihany izy nanohy : "Betsaka ny tetika nampiasaiko fa tsy nahomby avokoa" "Efa nampitahoriko mihitsy ry 'zareo hoe : Manome baiko aho ... euh ...toromarika mantsy e! mialà eto amin'ny arabe ianareo raha tsy izany dia asaiko doran'olona ... fa dia tsy nampiala azy ireo izany". tsss

Koa dia hoy i Valo : "ialahy koa tena tsy ampy tetika mihitsy". "Ao hanaovako azy" hoy izy. Dia nidina avy tao amin'ny fiara i Valo, ary nanao tetika isan-karazany.

Fa dia eeee

Nitokona hatrany ireo omby. Nobahanany hatrany ny làlana. Ary dia niverina nankao amin'ny 4x4 i Valo.

- "Zah ange l'ty efa nilaza tamin'ialahy fa sarotra roahina ireo omby ireo e!" hoy i Roa.

- "very hevitra aho" hoy Valo. Hoy ihany izy : "betsaka ny tetika nampiasaiko fa tsy nahomby avokoa" "Efa nampitahoriko mihitsy ry 'zareo hoe : ataoko tery omby tokoa ange ny nononareo izay mbola mijanona eo e!. Hanaovako aorta boara tsaratsara mihitsy". Ny omby vavy mazava ho azy no tena mampitahoriko tamin'io hoy i Valo hihihi". Fa dia eeee

Koa dia nifanakiana teo izy roalahy. "Izaho no lazain'ialahy ho izao sy izao, nefa kay ialahy tsy mahay akory, sns."

Farany dia niteny i Ray : "mangiana ialahy isany, ary aleo anaovako azy". Dia nivoaka avy tao amin'ny fiara i Ray.

Inona tokoa hoy 'nareo!! "Fehezanteny iray monja" no noteneniny, ary avy hatrany dia nitsoaka, tsy hita popoaka ireto omby.

Rehefa tafaverina tao anaty 4x4 moa izy dia tsy andrin'i Roa sy Valo mihitsy ny hahafantatra ilay fehezanteny mahomby amin'ny fandroahana omby.

Inona hoy 'nareo ilay fehezanteny?

(etsy ambanimbany ny valiny. Mba mikaroha aloha )

(etsy ambanimbany kokoa e )

Tsy inona akory ilay fehezanteny fa ny hoe :

"Iza aminareo no mazoto hataoko minisitra?" hehehehehe

Tapitra.

Tapitra ho'ahy ô! Ny hany ampahatsiahiviko dia ny hoe :ato amin'ny sokajin-dahatsoratra "hatsikana" ity lahatsoratra vakianao ity ;).

Hilentika kely Ra-Toky :-).

tokinao — Mon, 29 Sep 2008 20:50:28 +0200

:) Tsiky aloha e! Ny tiana hotenenina amin'ny lohateny dia ny hoe : tsy ho afaka hiserasera sy hiblaogy indray raToky ato ato. Koa alohan'izany fahabangàko kely izany dia ireto zavatra mampihomehy vitsivitsy. Raha ny tena marina dia tsy hatsikana izy ireo fa tena nisy. Ny tantara dia mikasika ny filoham-pirenena Tôgôle farany teo (izay efa Tompokolahy moa ankehitriny. Malaza ho tsy dia mivelatra loatra amin'ny teny vahiny izy ity ka dia anaovan'olona resaka :

1°- Indray andro hono ny anao lahy nasain'ny filoham-pirenena sinoa hisakafo ; tany Shina mazava ho azy. Koa alohan'ny fampiakaram-bera àry dia hoy ny filoha sinoa hoe : "Tsin tsin". Noheverin'Ingah rainy tôgôle ho "shina shina" no notenenin'ilay filoha sinoa ka dia hoy koa izy : "Tôgô Tôgô" . Tena zava-nisy io a! (araka ny tenin'ilay Tôgôle namako).

2°- Indray mandeha koa dia nanova ny mpikambana ao amin'ny governemantany izy. Izany hoe hosoloina ny minisitra rehetra. Koa dia nampanantsoiny daholo ireo eritreretiny hapetraka amin'izany toerana izany, ary nanaovany resadresaka manokana mba hitsapàny ny fahaizany avy. Indray andro àry dia Lehilahy malazalaza roa no nampanantsoiny ... ary natomboka tamin'ilay iray ny resadresaka sy fanadihadiana. Novelabelarin'Ingah filoham-pirenena ny ho andrikitr'ity lehilahy ity raha toa ka lasa minisitra izy. Rehefa vita izany famelabelarana izany dia naka toky ny Filoham-pirenena hoe : "Tu pourras ou tu pourras pas ?"

- hoy ilay ranamana voalohany : "oui, je pourra" . Nihomehy ny Filoha ... ary dia nasainy nivoaka ilay lehilahy voalohany. Vao lasa anefa ity lehilahy ity dia hoy izy mantsy ilay faharoa : "tsy mba horaisiko ilehiny fa na dia ny mitanisa ny "verbe pourrir" aza ve rangah dia tsy hainy .

Vita ny tantara faharoa. Koa ny hafatra dia ny hoe : mba ianaro ihany ny teny vazaha. Ry 'zareo tôgôle moa dia tsy mba manana fahasoavana tahaka antsika, satria dia teny frantsay no hany ahazoan-dry 'zareo mifampiresaka ; ny tenim-poko aman-jatony ananan-dry zareo manko dia tsy misy ifandraisany mihitsy. Ity indray ny tantara manaraka :

3°- Nisy fotoana nanasàn'Andriamatoa filoha olona maromaro tao an-dapany (olona tsotra sy tompon'andraikitra majinika). Nahafinaritra àry ny koràna, ary mafilotra tokoa ny sakafo. Ireo vahiny nasaina koa ... tsy nihafahafa fa dia nanao izay ho afany amin'ny fankafizana izany sakafo izany. Mba nampiresaka an'ity lehibena fokontany iray, izay niray latabatra taminy, àry Ingahy Filoham-pirenena :

- "Ahoana ... Afa-po ve ianao amin'ny sakafo ?". Hoy kosa ity filoham-pokontany :

- "Eny Andriamatoa filoha hajaina". Ary nampiany ohabolan-drazana Tôgôle iray : "rehefa misotro rano ange ny akoho, mba maka ny anjarany koa ny katsatsaka e". (ny katsatsaka dia biby mitovitovy amin'ny tanalahy). Ny tian'izany ohabolana izany tenenina moa dia ny hoe : rehefa mifaly ny olobe dia mba maka izay voatsirambiny koa ny majinika. Izany hoe mitory fanetren-tena io ohabolana io. Na izany aza anefa dia sendaotra be ny Filoham-pirenena raha vao naheno an'io ohabolana io. Hoy ny anao lahy :

- Inona no tian'ialah tenenina amin'izany ohabolana izany ? . Iza no ataon'Ialah ho akoho ?.
Taitra be sady natahotra ilay filoham-pokontany ... koa dia hoy izy, sady mitsiky tsy fidiny :

- Izaho no akoho 'ka .

- "Ary iza àry no ampitahain'ialahy amin'ny katsatsaka e ?" hoy indray ity Filoham-pirenena, sady tezitra be izy.

- "Mbola izaho ihany e ." hoy ilay filoham-pokontany .

- "haaay" hoy ny Filoham-pirenana. "Tohizo ny sakafo àry" hoy izy sady nitsikitsiky .

Tapitra. Ity ny tantara farany :

4°- Indray andro dia niharan-doza ny fiaramanidina notaingenan'Ingahy filoham-pirenena. Isan'ireo nieren-doza anefa izy (izany hoe tsy maty). Koa tong ny mpanao gazety haka azy am-bava (ataoko môtamô satria 'zah tsy mahay teny faran'ny tsy haiko a ) :

- kel est votre version concernant ce krash méssé le presida ?
Dia namaly Andriamatoa filoha. Hoy izy :

- En fait, je suis tombé de bas-en haut ... mon pataloha s'est krashé, l'aviô dechiré . Raha adîka dia toy izao : "nianjera tany ambony aho, nitrosona ny patalohako, ary rovitra ny rôplan". Vita tompoko .

Betsaka moa ny hatsikana sy tantara mampihomehy ifanaovanay mpiara-miasa ka dia ireo mba zaraina amintsika ireo ny santionany. Fa ity mba misy zavatra voamariko iray :

- ny blagy ataon'ny olona tatsinanana sy tatsimo (fa tsy tandrefana) dia mampihomehy kokoa ary koa madio (izany hoe tsy misy resaka mamoafady).

- ny an'ny tandrefana indray dia miresaka "seksa" daholo ny 90% (izay hitako aloha no tateriko a). Tsy mahita resaka ihomehezana 'zareo raha tsy miresaka an'io. Indraindray anefa dia marikoriko be .

Isika gasy dia misy itovizana amin'iretsy sokajy voalohany (tatsinanana sy tatsimo). Ho porofo tsotsotra : jereo ange ao amin'ny hatsikana ao amin'ny namana serasera e! Hatsikana madio no betsaka ... soa ihany. Mba mijere kosa ange hatsikana vazaha e! Aleo tsy apetrako eto ny rohy fa mba ho ahy samirery hihihi. Resaka izany fa izao : manorata fotsiny hoe "blagues" ao amin'ny "google-images" dia ho hitanao ny sary mipoitra ao : tsiriho ato; dia jereo koa ny hoe "blague" ao amin'io "google-images" io ihany ... vao pejy voalohany dia efa ao ny sarin-tseksa : asio maso ato . Tsy ihatsara ivelatsihy akory aho, na koa hiroso amin'ny ady hevitra hoe : "tsara ve ny blagy ara-tseksa " fa izao angamba no iaraha-manaiky : "tsy tsara ho an'ny ankizy sy malemy fanahy ireny zavatra ireny". o.k.

Fanazavana momba an'ilay "Oui je pourra"*: Ho an'ny tsy mahay teny frantsay ohatra anay : tokony hoe "je pourrai" no navalin'ilay filoham-pokontany. Izany dia avy amin'ny "verbe pouvoir" (izay midika hoe "afaka atao") hono, fa tsy "pourrir" (izay midika hoe "masiso"). Koa ity misy hafatra e: rehefa tsy hay ilay teny faran'ny tsy hay, mba ianaro ny hafa e . ok! My article's over . Thanks for reading.

P.S. ("Post-scriptum" hoy ny teny mora hay sasany hihihi) : miala tsiny amin'ireo nandefa hira "Ry Tanindrazanay Malala ô!" (i p., k. sy i c.) fa hiato kely ny fandrindràko azy. Rehefa mba malaladalaka dia hotohizako io fa aza manahy . Izay vao tena tapitra. Elaela tsy hiblaogy ka dia betsaka ny zavatra tian-kosoratana e! Masîna daholo isika mianakavy ... ho salama, sy ho ambinina amin'izay atao. Allah Akhbar, God is great, lehibe Zanahary, Tititangôla .

Vohikala fitadiavan'olontiana

tokinao — Fri, 21 Mar 2008 21:13:17 +0100

Zavatra nampiomehy iray! Tsy inona fa ny resaka fanalàna andro ataonay (zah sy ny vazaha namako) rehefa miara-misakafo.
Voalohany, ny tenanay moa dia tsy mba tia misarisary zoro na mikaoty an'ireny vazaha vavy ireny (safidiko manokana io ) na dia mbola mpitovo aza. Fanampin'izany, eto amin'ny aterineto no matetika ahitan'ny ireo vazaha namako ahy : ny vohikala amin'ny teny malagasy no tena famakiko amin'izany (izany hoe amin'ny teny tsy hain'ireto namako). Tsikaritry ny namako izany ka dia nanaovan'ilay vazah fanalàna mampiomehy zah :

Appareil photo gratuit (hatchikana)

tokinao — Thu, 31 Aug 2006 01:28:46 +0200

Ity ry zareo misy fomba ahafahana maka sary maimaim-poana eto @ aterineto a : appareil photo en ligne. Ka izao : enao sy ny ordinateur-nao ihany de ampy.

Tsindrio ity ary araho tsara izay toro heviny ao. Marihina fa hisy fenêtre powerpoint hisokatra rehefa avy tsindrinao io.

Saika adino : manaova metimety tsara alohan'ny hi-installer azy ity satria ... hainao ihany izany hoe "haka sary". hihihi