Tokinao

« fialàn-tsasatra desambra 2006 | Main | Izao indray vao tafa-blaogy e »

Kirin'ny te-hanan-tiana
2007/02/11,23:04
Hainteny hitako anaty boky ka zaraiko amintsika :

Kirin'ny te-hanan-tiana

- Diavolana am-batolampy,
mangoratsaka an-keniheny,
na dia hitampesona* aza ianao,
an'ny hafa ny foko fa tsy anao

- Fodilahy mena volo,
voro-mena fandia,
na maro aza ny lava volo, ianao ihany no foto-dia.
Raha tantely no homeko anao,
eny, mamy ihany iny,
fa misy faikany ;
raha voasary no homeko anao
eny, mamy ihany iny,
fa miendri-bato ;
raha fary no homeko anao
eny, mamy ihany iny
fa sary hazo ;
fa ny tiako homena sy atolotra
dia ny fifankatiavana tsy ho ritra
ary ny fisakaizana tsy ho lany ;
ary vavolombelon'izany :
iny ny lambako ho anao,
fa izaho hanao lamba rivotra,
iny ny peratro ho anao,
fa izaho hanao peratra ahitra

J.R.b.n.n.
( Nivoaka tao amin'ny gazety "vaovao frantsay-malagsy",  ny23 marsa 1900 )

Ho antsika mpitsidika : sao mba hainao ny hevitry ny teny hoe "mitampesona" azafady ? Misaotra mialoha

Hevitra

Comment Icon Hain-teny

Misaotra mamerina ny rakitra maha-malagasy.
Tonga aho dia naka ny "rakibolana malagasy",

mitampesona = (ftt : tampesona) mangataka sesilany, mitambezo tsy miato ka manao hata-piso : oh : zatra nitampesona tamin-dreniny ka nanjary mpihantahanta.

Posted by: ikalamako at 2007/02/11, 23:44
Comment Icon Misaotra betsaka ô

Tena mazava fa misaotra ikalamako a! Tena ilaina tokoa ireny rakibolana malagasy ireny 'ka!

Posted by: Tokinao at 2007/02/12, 00:25
Comment Icon tongasoa indray e

Voalohany, Tongasoa indray aloha i Tokinao miblaogy fa nanao sambo nilentika mihitsy ianao an!

manaraka, misaotra fa tsara tokoa ilay izy...ary mampitamberina ireo voambolana tsy fandre kanefa mahafinaritra....manaraka e..hihihihi

io zany lay lazaina @ fomba mahazatra hoe "mi-insiste" e! hihihi

Posted by: kitjo at 2007/02/12, 08:17
Comment Icon manitikitika ny saina

tokinao a, variana mijery ilay takelaka feno gidro aho, maninona ianao (ilay "tokinao" etsy ankavanana) rehefa hohanin'ilay omby dia lasa menamena ? hahahahahahaha

Posted by: ikalamako at 2007/02/12, 10:16
Comment Icon hahhahahaha

esy e ry ikalamako e....
hahahhahhaha....
iny ndray no tsitako...za ndray maahfinaritra ahy mitondra an le soavalikely mandendeha mitety an' ilay pejy

Posted by: kitjo at 2007/02/12, 10:28
Comment Icon Hafa indray iny 'kano

Ikalamako : Hafa indray iny fanamarihana iny a! Mety tezitra angamba izy :) de lasa boramena e!

kitjo : tena nilentika tokoa aloha za teo e : lany lainga e :)

Posted by: Tokinao at 2007/02/12, 17:15
Comment Icon

Misaotra Tokinao an ! Miandry ny manaraka indray e !

Tsy lanin'ny omby izany angamba no mampa-mena azy io, fa io ilay lazainy hoe
Fodilahy mena volo,
voro-mena fandia

lol.

Posted by: pissoa at 2007/02/13, 07:08
Comment Icon asa na ho tafiditra

andrana alou
refa veo za miverina :)

Posted by: cutie at 2007/02/13, 18:30
Comment Icon nety:)

mampime ahy le titre fa ny fahitako azy ry tokinao ohtran'ny mifanohitra le titre sy ny votoatin'le hain-teny , sa za no tsy mahazo tsara :)

Posted by: cutie at 2007/02/13, 18:31
Comment Icon an an an 'ka

cutie : Tsy mifanohitra ka! ilay vehivavy ange efa tsy mila an'ilay lehilahy e, nefa ilay lehilahy mbola mikiry misisika ihany e. De izay no maha-hoe : "Kirin'ny te-hanan-tiana" azy :)

Posted by: Tokinao at 2007/02/13, 22:17
Comment Icon hihihihii

tokinao
hay moa le hain-teny resak'olon-droa mifamaly.

lalina zany :)

Posted by: cutie at 2007/02/14, 01:03
 
Atolotry ny Blaogy.com sy Lifetype