Tokinao

« Sendra ny tiako ( TIF A TIF ) | Main | sms tsy andoavam-bola azo alefa n'aiza n'aiza* ( resaka matotra* ) »

Ny 26 jona-ko
2007/06/30,21:29

          Voalohany dia miarahaba antsika nahatratra ny 26 jona lasa teo. Aleo hono tara toy izay tsisy Smile. Raha izaho manokana dia tsy afaka nandeha tamin'ireny fety na takariva fanaon'ny diaspora malagasy tamin'io andro io. Na dia izany aza anefa dia nahatsiaro tsara an'i Madagasikara aho io andro io.

          Noho ny embona, voalohany indrindra dia lasa niditra tamin'irony efitra famakiam-boky irony ny tenako, ary namaky sy nindrana an'ireo boky rehetra miresaka momba an'i Madagasikara. Fanampin'izany dia nihaino mozika gasy : nataoko ampoton-tsofina mihitsy satria nampiasa "écouteurs" aho Smile. Tsy inona moa ireo boky  nolazaiko tetsy ambony fa ireto avy : 

  • Madagascar, l'île aux sorciers, 2001, 199pejy, nosoratan'i Nicole Vileteau, edisona "Arthaud",
  • Madagascar, 1964, 192pejy, nosoratan'i Claude janicot, edisiona "Rencontre",
  • à Madagascar, 1985, 172 pejy, nosoratan'i Bernard Planche & namany, edisiona "HACHETTE",
  • Madagascar, 2000, 270 pejy , nosoratan'i Pierre Vérin, edisiona "KATHALA", ary
  • à Madagascar, 1997, 175 pejy, nosoratan'i Geoffroy Morhain & namany, edisiona "HACHETTE".

 

Ny tanjoko voalohany moa tamin'izany dia ny mba hahalala hoe : "raha misy vazaha iray te hahalala an'i Madagasikara amin'ny alalan'ny boky dia endrika inona no ho azony". Faharoa dia tiako ny mahalala ireo fahasamihafàna ara-ekôlôjika sy ara-olona ao Madagasikara. Na dia mpandehandeha manko aho tany fahiny dia betsaka ny mbola tsy haiko momba an'io tany be harena io. ( Harena manko hono ny fahasamihafàna ).

Akory anefa ny hafaliako fa misy zava-tsarobidy maro tokoa 'kay ao amin'ireo boky ireo. Izany dia ho hitantsika amin'ilay boky mitondra ny lohateny hoe :"Madagascar" ( 1964, 192pejy, nosoratan'i Claude janicot, edisiona "Rencontre" ). Io boky io dia ahitàna :

  • ny tantaran'i Madagasikara, na koa tahiry maro momba ny tantaran'i Madagasikara,
  • ny fijerin'ny vazaha iray an'i Madagasikara sy ny foko 21,
  • sary tena izy maro tamin'ny faha-mpanjaka : ny rova, mahamasina fony tsisy "gradin", famonoan'olona tamin'ny andron-dRanavalona I, taratasy fitarainan'ny miaramila frantsay noho ny tsy fahombiazan'ny fanafihana voalohany, taratasy arabo iray nosoratana mpivarotra andevo iray, sns

Koa dia mazotoa mamaky ny lahatsoratra manaraka izay hivoaka tsy ho ela e Smile.

Hevitra

Comment Icon

Misaotra fa mba handeha hitady ity bokin'i Claude Janicot ity aho fa toa mahaliana tokoa izy izany.

Efa elaela ihany aho no tsy nitsidika teto. Lasa aiza ilay soavaly mena?

Posted by: Su at 2007/07/01, 02:39
Comment Icon Tsara io boky io, indrindra ho an'izay tia mitrandraka tantara

Tsara io boky io, indrindra ho an'izay tia mitrandraka tantara. Fa boky efa tranainy fotsiny aloha e. Ilay ato nindramiko izao dia efa miongotrongotra daholo ny pejiny.

Momba ilay soavaly indray : raha "internet explorer" ny fitaovam-pilomanosanao ( navigateur :-) ) dia tokony hahita azy i Su 'ka.

Posted by: tokinao at 2007/07/01, 08:38
Comment Icon

Waaow, Impressive!

Posted by: pissoa at 2007/07/01, 19:23
Comment Icon

miandry izahay ry tokinao fa dia misaotra.

Posted by: ikalamako at 2007/07/01, 22:00
Comment Icon 26-06-2007

Salama e!! arabaina iany koa na aty aoriana aza. Efa akaiky ny 14 jolay.... Nanao ahoana ny fety taty Marseille sy ny manodidina. Ny teto Paris dia nafinaritra
http://badouda.blaogy.com
http://badouda.blaogy.org
http://badouda.gasykamanja.com
Veloma indray!!!

Posted by: badouda at 2007/07/07, 18:38
 
Atolotry ny Blaogy.com sy Lifetype