Tokinao

« Augmentation de salaire | Main | Tsy tsipolitra »

Ny tsara no tahafo
2006/06/13,05:41

 

Ny tsara no tahafo

Aza atao tera-piso,
ka taranaka velon-kanao " omeo " mandra-pahafaty ;
fa ataovy tera-pangaraka,
ka na kely andilana aza mahalevin-dreny ;
Aza atao tera-balala,
ka mpianakavy iray hevitra hamafy mosary amin’ny tany !
fa ataovy tera-dandy
ka sady mahafono tena tsy misy mpanampy
no mbola mahatafy sy mahafono olombelona
hatramin’ny fara aman-dimbiny.
Aza atao tera-tsahona,
ka sady sima vava no be taria,
no mitsipitsipika tsy valala ;
fa ataovy tera-tàna tsy matoky tena
ka mandinika ny eo aloha
sy mibanjina ny aoriana
vao mandingana indray mandeha.
Aza atao tera-jorery,
ka lany andro am-pitomaniana ;
fa ataovy tera-bitsika zatra miasa,
ka ny votry itoerana miezinezina,
ny hanin-ko hanina feno sompitra ;
Ny reni-manditra kamovelona ihany
no maty an-davaka velomin’ny bitika noho izy.

Charlotte A. RAZAFINIAINA

Hevitra

Comment Icon Milay

Tena miketriketrika mihitsy anie ra Tokinao izany e. Tsara fa tohizo e. Ahoana ity soavaly mena mitrifana b ity? Manja kah.

Posted by: Tadio at 2006/06/13, 09:29
Comment Icon Milay

Miala any izany ny hainteny an. Tena mahafinaritra fa tohizo.

Aza atao tera-piso ony kle, hihihi.

Posted by: pissoa at 2006/06/13, 09:42
Comment Icon msaotra

msaotra @ fampaherezana zareo a.

Posted by: Tokinao at 2006/06/13, 13:35
Comment Icon

Be de be tera- tera- le izy fa mba tsy nisy tera-bitro :-D

pissoa, hihihihi

Posted by: lapino at 2006/06/13, 15:27
Comment Icon

lapino, eo de faly eo nefa ny tera-bitro efa iaraha-mahalala de tsy resahina intsony kou, hihihi

Posted by: pissoa at 2006/06/13, 22:31
Comment Icon sa hotohizako ary e!

tena adinoko tokoa ry Lapino a, ity mbola misy tohin'io hainteny io :

Aza atao tera-bitro,
ka tsy mana-tanjona afa-tsy ny hameno ny tany.

hahaha

Posted by: Tokinao at 2006/06/14, 01:41
Comment Icon Marina

Hihihi, tena mameno tany marina mihitsy ireny bitro ireny an. Ny sasany eny an-tany karaoty, ny sasany eny an-tanin-tsalady, ny sasany mitsok'ovy, sns ... tssssss ;)

Posted by: pissoa at 2006/06/14, 02:38
Comment Icon de ity koa ry Tadio a

aza atao tera-tadio, ka tsy manan-katao afa-tsy ny handrava tanĂ na.
Tadion-drivotra io resahako io fa tsy Tadiom-pitiavana akory a.
hahaha

Posted by: Tokinao at 2006/06/14, 09:15
 
Atolotry ny Blaogy.com sy Lifetype