Tokinao

« Inona 'zany hainteny ? | Main | Augmentation de salaire »

Fitia voatavo
2006/06/12,08:06

Fitia voatavo

Tiako hianao,
sanatria ho fitia vola,
ka raha noana dia hatakalo hanina,

na koa fitia varavarana,
tiana nefa atositosika,

tsy ataoko tahaky ny paraky,
tiana nefa ombàna rora,

tsy ohariko amin'ny jiafotsy,
intelo tafina,
ka mievotra ihany,

tsy hampitahaiko amin'ny  lambamena,
ka rehefa maty vao ihaonana

Tiako hianao,
tiako tahaky ny voatavo,
lena hianao haniko,
maina hianao ataoko zinga,
vaky hianao ataoko toham-baliha,
hotendreko eroa amoron-dalana,
izay olo-mandalo mandreny avokoa.


Tokinao

Hevitra

Comment Icon

Hmmm, mahafinaritra izy izany. Misaotra mizara zavatra tsara toy izao.

Faly ery zao ze bandy mandalo eto fa misy paika hikaotiana sipa, hihihi.

Hihihi, neveriko fa "Fitia Voalavo" le titre de taitsa be zah, lol

Posted by: pissoa at 2006/06/13, 22:34
Comment Icon

Danzz be raha izao kle! Diso ve ny bandy gasy raha misy macho ... ? Ny sasany anefa vao mahita an'le izy tonga dia noana! Hihihi

Tiako hianao,
No comment

tiako tahaky ny voatavo,
Hmm, bory tongotra aman-tanana, tsy manan-tsafidy fa afaka akodiadia etsy sy eroa

lena hianao haniko,
Lena hono, mando no dikan'zany e? :-p Hihihihi

maina hianao ataoko zinga,
Hisotroana ny hamaminy ve? Hihihi

vaky hianao ataoko toham-baliha,
Vaky izay moa izy, karakory moa izay? Mba inona angah no valiha hotohanana aminy e? Hmmmm

hotendreko eroa amoron-dalana,
Eny amoron-dalana ... Mahonena ihany ilay indoneziana raha fisainana nolovaintsika avy any izany an!

izay olo-mandalo mandreny avokoa.
Tsy valahara koa zany kle! Moramora ihany na de zany aza! Hihihi

Posted by: lapino at 2006/06/13, 23:57
Comment Icon danz enao ra lapino 'ka

Tena mahay " fanadihadiana lahatsoratra " anie i Lapino izany e. hahaha

Posted by: Tokinao at 2006/06/14, 01:49
Comment Icon lol

lapino ... hihihi

Posted by: pissoa at 2006/06/14, 02:35
Comment Icon Fanontaniana kely

Miarahaba anao, mahafinaritra ery izany mahita ny hakanton'ny kolotsaina malagasy izany.

Misy fanontaniana kely mba tiako ifampizarana. Amin'ny teny malagasy dia manahirana ahy ny mampiasa "ianao" sa "hianao" satria raha mamaky soratra masina ohatra na boky misy hain-teny dia "hianao" hatrany no hita.

Rehefa inona moa izany ny "ianao" no ampiasaina? Manitikitika ahy hatry ny ela izy io e.Misaotra.

Posted by: Aiky Fandresena at 2006/06/20, 00:42
Comment Icon ianao sa hianao !

Ho an'i Aiky : misy namako mpandinika ny teny malagasy izay nametrahako io fanontaniana io. ka izao no noteneniny :

Mitovy ihany ny "Ianao" sy "Hianao" fa ny Hianao hono mananja kokoa, ( en fran├žais : vous )izany hoe manaja ilay olona resahinao, ary ianao "tu" kosa ampiasaina @ olona efa tena fatatrao (intime)
matetika ao anaty Baiboly no ahitana Hianao.

Posted by: Tokinao at 2006/06/22, 03:55
Comment Icon hummm

Tsaroako mitsy io lesonanay t@ zany andro zany t@ nanao Malagasy fa tsy ratsy annn!

Posted by: sarobidy at 2006/07/02, 22:10
Comment Icon lesona in ry bidy!

misaotra nitsidika sy nametra-kafatra r'zareo a.

Posted by: Tokinao at 2006/07/03, 04:34
 
Atolotry ny Blaogy.com sy Lifetype